Án leyfis??

Hvernig er þetta annars, má ég labba um landið án þess að eiga það á hættu að vera kærður fyrir? Skiptir máli hvaða farangur ég er með? Ef það er þannig að allt sem flýgur eða fýkur yfir eða á óræktuðu landi er það þá talið eign þess sem á landið? Má ég þá fá einkaleyfi á vindinum, snjónum og rigningunni? ,,Það má þá ekkert fjúka á þínu landi góði minn'' get ég hugsað mér að segja við einhvern sjálfskipaðan monthana sem bannar mér eitthvað. Eða ,,þú verður að taka allan snjó af þínu landi því snjórinn er minn'' Svo eru sumir sem banna veiðar nema gegn gjaldi?? Veit rjúpan af þessu? Auðvitað vil ég greiða fyrir réttinn að fá að veiða, og er búinn að því þegar ég borgaði fyrir veiðikortið. Landeigendur, ég skal greiða uppsett verð fyrir heimildina að fá að veiða á ykkar landi, en bara ein spurning, ef ég hitti ekki neina rjúpurassa, fæ ég þá endurgreitt? Það kostar mig nefnilega ekkert að labba þarna um byssulaus.

Rjúpnaskyttur fóru um lönd í leyfisleysi

Athugasemdir

[Sigurður Baldursson, 7.11.2011 kl. 16:30]

Þetta er spurning um þann rétt landeigenda hvort þeir leyfa skotveiðar á sínu landi eða ekki.  Eg á t.d. jörð og á jörðinni er þónokkuð stórt skóglendi sem rjúpa sækir í . Ég  leyfi ekki rjúpnaveiði á minni jörð vegna þess að ég hef ánægju af því að fylgjast með rjúpunni sérstaklega á sumrin þegar hún er með unga. Þetta verði þið rjúpnaskyttur að sætta ykkur við að þið getið ekki valtað yfir allt og alla og heimtað að fá að veiða þar sem ykkur sýnist  þó svo að þið hafið greitt fyrir veiðikort og byssuleyfi.